തണുപ്പിൽ വിറങ്ങലിച്ച് ഉത്തരേന്ത്യ

ന്യൂഡൽഹി : അതിശൈത്യത്തിന്റെ പിടിയിലമർന്ന് ഉത്തരേന്ത്യ.കനത്ത മൂടൽ മഞ്ഞിനെത്തുടർന്ന് ഡൽഹി രാജ്യാന്തര വിമാനത്താവളത്തിൽ നിന്നുള്ള 360 വിമാനങ്ങൾ വൈകി. 6 എണ്ണം റദ്ദാക്കി.ഉത്തരേന്ത്യയിലെ മുഴുവൻ വിമാനസർവീസുകളെയും പുകമഞ്ഞ് ബാധിച്ചിട്ടുണ്ട്.തലസ്ഥാനം കൂടാതെ ഉത്തർപ്രദേശ്, ഹരിയാന എന്നിവിടങ്ങളിലും മൂടൽമഞ്ഞ് എല്ലാവിധ ​ഗതാഗതത്തെയും ബാധിച്ചിരിക്കുകയാണ്.ഡൽഹിയിൽ കുറഞ്ഞ താപനില 7 ഡിഗ്രി സെൽഷ്യസാണ്.രാജസ്ഥാൻ, ഹരിയാന, ഉത്തർപ്രദേശ് എന്നീ സംസ്ഥാനങ്ങളിലും 6 മുതൽ 8 ഡിഗ്രി സെൽഷ്യസ് വരെയാണ് കുറഞ്ഞ താപനില.