കൊച്ചി : കൊച്ചിയില് പത്തും പന്ത്രണ്ടും വയസ്സുള്ള സഹോദരിമാർ പീഡനത്തിന് ഇരയായതായി പരാതി .സംഭവത്തിൽ പെണ്കുട്ടികളുടെ അമ്മയുടെ ആണ്സുഹൃത്ത് കസ്റ്റഡിയിൽ .കുറുപ്പംപടിയിലാണ് സംഭവം .ടാക്സി ഡ്രൈവറായ അയ്യമ്പുഴ സ്വദേശി ധനേഷാണ് കസ്റ്റഡിയിലായത്.രണ്ട് വര്ഷത്തോളം കുട്ടികളെ ഇയാൾ പീഡനത്തിനിരയാക്കിയെന്ന് പരാതിയില് പറയുന്നുണ്ട്.
രണ്ട് വർഷം മുൻപാണ് കുട്ടികളുടെ അച്ഛൻ മരിച്ചത്. പ്രതി ശനിയാഴ്ചയും ഞായറാഴ്ചയുമാണ് ഇവരുടെ വീട്ടിലെത്തിയിരുന്നത്.ഇതിനിടെയായിരുന്നു കുട്ടികളെ ഭീഷണിപ്പെടുത്തി പീഡിപ്പിച്ചിരുന്നത്. പെൺകുട്ടികൾ സ്കൂളിലെ സുഹൃത്തിനെഴുതിയ കത്തിൽ നിന്നാണ് അതിക്രമത്തിന്റെ വിവരം പുറത്തറിയുന്നത്.കത്ത് ക്ലാസ് ടീച്ചർ കാണുകയും പൊലീസിൽ വിവരം അറിയിക്കുകയുമായിരുന്നു.
