നിയന്ത്രണം നഷ്ടപ്പെട്ട തടി ലോറി മറിഞ്ഞ് ഡ്രൈവറും ക്ലീനറും അത്ഭുതകരമായി രക്ഷപ്പെട്ടു.

തിരുവല്ല : തിരുവല്ലയിൽ നിയന്ത്രണം നഷ്ടപ്പെട്ട തടി ലോറി മറിഞ്ഞ് ഡ്രൈവറും ക്ലീനറും അത്ഭുതകരമായി രക്ഷപ്പെട്ടു. എം സി റോഡിലെ മഴുവങ്ങാട് ചിറയിൽ ഇന്ന് രാവിലെ 6.30ഓടെയാണ് സംഭവം. ചെങ്ങന്നൂർ ഭാഗത്ത് നിന്ന് പെരുമ്പാരൂലിലേക്ക് പോകുയായിരുന്ന തടി ലോറിയാണ് മറിഞ്ഞത്. സംഭവം അറിഞ്ഞ ഉടനെ ഫയർഫോഴ്സ് സംഘം എത്തിയാണ് ഡ്രൈവറേയും ക്ലീനറേയും പുറത്തെടുത്തത്.

തുടർന്ന് രണ്ട് മണിക്കൂർ നീണ്ട പരിശ്രമത്തിനൊടുവിൽ വാഹനവും തടിയും റോഡിന്റെ വശത്തേക്ക് മാറ്റി.