അഫ്ഗാനിസ്ഥാനിൽ ശക്തമായ ഭൂചലനം : എട്ട് മരണം ; ഉത്തരേന്ത്യയിലും പ്രകമ്പനം

ന്യൂഡൽഹി : അഫ്ഗാനിസ്ഥാനിൽ ശക്തമായ ഭൂചലനം.റിക്ടര്‍ സ്‌കെയിലില്‍ 5.9 തീവ്രത രേഖപ്പെടുത്തിയ ഭൂചലനത്തിൽ കാബൂളിൽ എട്ട് പേർ കൊല്ലപ്പെട്ടു. കാബൂളിന് പുറമെ പാകിസ്താനിലെ ഇസ്ലാമാബാദിലും ഇന്ത്യയുടെ ഡല്‍ഹി, നോയിഡ, ഗുരുഗ്രാം ,ജമ്മു കശ്മീർ എന്നിവിടങ്ങളിലും ശക്തമായ പ്രകമ്പനം അനുഭവപ്പെട്ടു.രാത്രി ഏകദേശം 9:50-ഓടെ അനുഭവപ്പെട്ട ഭൂചലനത്തെ തുടര്‍ന്ന് പരിഭ്രാന്തരായ ജനങ്ങള്‍ വീടുകളില്‍ നിന്നും പുറത്തിറങ്ങി.ഭൂമിക്കടിയിൽ 177 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രം .