കണ്ണൂർ : തനിക്കെതിരെ വ്യാജ വാർത്തകൾ ചിലർ പ്രചരിപ്പിക്കുന്നതായി ചൂണ്ടിക്കാട്ടി മാധ്യമങ്ങൾക്ക് മുന്നിൽ പൊട്ടിക്കരഞ്ഞ് സിപിഎം കേന്ദ്ര കമ്മിറ്റി അംഗം പി.കെ.ശ്രീമതി. പ്രചാരണം നടത്തിയ ഓൺലൈൻ, സാറ്റലൈറ്റ് ചാനലുകൾക്കും പത്രത്തിനുമെതിരെ പരാതി നൽകുമെന്നും അവർ വ്യക്തമാക്കി .
പി.ആർ. കൃഷ്ണൻ എന്ന എംഎൽഎയുടെ ഭാര്യയായി അഭിനയിച്ച് എംഎൽഎ എന്ന നിലയിൽ കിട്ടേണ്ട കുടുംബ പെൻഷൻ വാങ്ങുന്നുവെന്നാണ് പ്രചാരണം.50 കൊല്ലമായി പൊതുപ്രവർത്തനത്തിൽ ഉണ്ട്.സമൂഹത്തിൽ അവമതിപ്പ് ഉണ്ടാക്കുക എന്ന ദുരുദ്ദേശ്യത്തോടെയാണ് ഇതു ചെയ്യുന്നത്. ഡിജിപിക്കും ആഭ്യന്തരമന്ത്രിക്കും മുഖ്യമന്ത്രിക്കും പരാതി നൽകുമെന്നും പി.കെ.ശ്രീമതി പറഞ്ഞു.
