ആലപ്പുഴ : ആഗസ്റ്റ് 22 ന് പുന്നമടക്കായലിൽ നടക്കുന്ന നെഹ്റു ട്രോഫി വള്ളംകളിയുടെ പന്തൽ നിർമാണത്തിന് ഔദ്യോഗിക തുടക്കമായി. പുന്നമട ഫിനിഷിംഗ് പോയിന്‍റിൽ പന്തൽ കാൽനാട്ടുകർമം എൻ.ടി.ബി.ആർ. സൊസൈറ്റി ചെയർമാനും ജില്ലാ കളക്ടറുമായ ഷാജി വി നായർ നിർവഹിച്ചു.
ചടങ്ങിൽ എ ഡി എം സി പ്രേംജി, ഇൻഫ്രാസ്ട്രക്ചർ കമ്മറ്റി കൺവീനറും ഇറിഗേഷൻ എക്സിക്യൂട്ടീവ് എൻജിനീയറുമായ പി എസ് വിനോദ്, റെയ്സ് കമ്മറ്റിയംഗങ്ങളായ എസ്.എം.ഇക്ബാൽ, എ.വി.മുരളി, എം.വി. അൽത്താഫ്, പ്രജിത്ത് പുത്തൻ വീട്ടിൽ, കെ എസ് റെജി എന്നിവർ പ്രസംഗിച്ചു.
