തിരുവനന്തപുരം : ഹെപ്പറ്റൈറ്റിസ് എന്നത് വെറും കരള്‍രോഗമെന്ന രീതിയില്‍ കാണാനാകില്ലെന്നും സാമൂഹിക പെരുമാറ്റം, ശുചിത്വം, ആരോഗ്യസംവിധാനം എന്നിവയെല്ലാം ചേർന്നുണ്ടാകുന്ന ഒരു സങ്കീർണ്ണ വെല്ലുവിളിയാന്നും ആരോഗ്യവിദഗ്ധര്‍.ലോകത്ത് ഹെപ്പറ്റൈറ്റിസ് B, C ആണ് പ്രധാന ഭീഷണി.കേരളത്തിൽ ഹെപ്പറ്റൈറ്റിസ് A ആണ് പ്രധാന പ്രശ്നം .
മലിനമായ കുടിവെള്ളം, ശുചിത്വക്കുറവ്, മഴക്കാലത്തെ വെള്ളക്കെട്ടുകള്‍, മലിനമായ ഭക്ഷണവും ഐസും ജ്യൂസും കട്ട് ഫ്രൂട്ട്‌സും ഉപയോഗിക്കുന്നതുമാണ് രോഗവ്യാപനത്തിന്റെ പ്രധാന കാരണങ്ങള്‍.
ഹെപ്പറ്റൈറ്റിസ് ഒരേ രീതിയിലുള്ള രോഗമല്ല. A സാധാരണയായി ചികിത്സയിലൂടെ സ്വയം മാറും, എന്നാൽ B കരളിന്റെ ജനിതക ഘടനയിൽ ചേർന്ന് ജീവിതകാലം മുഴുവൻ അപകടസാധ്യത ഉണ്ടാക്കും. കേരളത്തിലെ ഹെപ്പറ്റൈറ്റിസ് രോഗബാധയും മരണനിരക്കും ഉയർന്ന നിലയിലാണ്.മഴക്കാലത്ത് രോഗവ്യാപന സാധ്യത വര്‍ധിക്കുന്ന സാഹചര്യത്തില്‍ പൊതുജനങ്ങള്‍ പ്രത്യേക ജാഗ്രത പാലിക്കണമെന്ന് ആരോഗ്യവിദഗ്ധര്‍ നിര്‍ദേശിക്കുന്നു.
