തിരുവല്ല : വൈ.എം.സി.എ സബ് റീജണിൻ്റെ നേതൃത്വത്തിൽ ലഹരി വിരുദ്ധ പദ്ധതികൾ കാരുണ്യ പ്രവർത്തനങ്ങൾ എന്നിവക്ക് മുൻഗണന നൽകി പ്രവർത്തിക്കുവാനും സ്കൂൾ കോളേജ് തലങ്ങളിൽ വിദ്യാർത്ഥികൾക്ക് കൗൺസിലിംഗ്, ആനുകാലിക വിഷയങ്ങളിൽ ചർച്ച, സെമിനാർ, മെഡിക്കൽ ക്യാമ്പുകൾ, വിവിധ കായിക മത്സരങ്ങൾ സംഘടിപ്പിക്കുക, മുതിർന്ന പൗരന്മാർ വനിതകൾ യുവജനങ്ങൾ എന്നിവർക്കായി സമ്മേളനങ്ങളും ക്യാമ്പുകളും നടത്തുക, കിഡ്സ് ഫെസ്റ്റ്, ഇൻ്റർ വൈ.എം.സി.എ കലാമേള, ദേശീയ, റീജണൽ, സോണൽ പരിപാടികൾക്ക് ആതിയേത്വം വഹിക്കുക എന്നീ പരിപാടികൾക്ക് പ്ലാനിംഗ് ഫോറം രൂപം നൽകി.
ദേശീയ നിർവ്വഹക സമിതിയംഗം ജോ ഇലഞ്ഞിമൂട്ടിൽ പ്ലാനിംഗ് ഫോറം ഉദ്ഘാടനം ചെയ്തു. ചെയർമാൻ ജോജി പി. തോമസ് അധ്യക്ഷത വഹിച്ചു. ദേശീയ പേഴ്‌സണൽ കമ്മിറ്റിയംഗം അഡ്വ. ജോസഫ് നെല്ലാനിക്കൽ മുഖ്യപ്രഭാഷണം നടത്തി. റീജണൽ യൂത്ത് വർക്ക് ചെയർമാൻ ലിനോജ് ചാക്കോ, സബ് റീജൺ ജനറൽ കൺവീനർ സുനിൽ മറ്റത്ത്, വൈസ് ചെയർമാൻമാരായ തോമസ് വി. ജോൺ, ലിയോൺ വർഗീസ് ഏബ്രഹാം, റീജണൽ ലീഗൽ ബോർഡ് ചെയർമാൻ അഡ്വ. മാത്യു ജോസഫ്, മുൻ സബ് റീജൺ ചെയർമാൻമാരായ ജൂബിൻ ജോൺ, അഡ്വ.എം.ബി നൈനാൻ, കെ.സി മാത്യു, സ്പോർട്സ് ആൻഡ് ഗെയിംസ് ദേശീയ വൈസ് ചെയർമാൻ കുര്യൻ ചെറിയാൻ എന്നിവർ പ്രസംഗിച്ചു.
വിവിധ സ്റ്റാൻഡിങ് കമ്മറ്റി കൺവീനർമ്മാരായ സജി മാമ്പ്രകുഴിയിൽ, ഐസക് തോമസ് വി., റെയ്മോൾ ജോൺസൺ, അഡ്വ. നിതിൻ വർഗീസ് ഏബ്രഹാം, ഷിജു കെ. കുര്യൻ, ബിജു സി തോമസ്, ബോർഡ് കൺവീനർമാരായ ജേക്കബ് വർഗീസ്, സജി വിഴലയിൽ, പി.പി മാത്യു, റോയ് വർഗീസ്, ഉമ്മൻ വർഗീസ്, റോയി പി. ചാണ്ടി എന്നിവർ ചർച്ചകൾക്കും പദ്ധതി ആവിഷ്കാരത്തിനും നേതൃത്വം നൽകി.
