ന്യൂഡൽഹി : ഡൽഹി മുഖ്യമന്ത്രി അരവിന്ദ് കെജ്രിവാൾ തൻ്റെ ഇടക്കാല ജാമ്യം ഏഴ് ദിവസത്തേക്ക് കൂടി നീട്ടണമെന്ന് ആവശ്യപ്പെട്ട് സുപ്രീം കോടതിയിൽ ഹർജി നൽകി.ഡൽഹി മദ്യനയ അഴിമതിയുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ മെയ് 10 ന് സുപ്രീം കോടതി കെജ്രിവാളിന് 21 ദിവസത്തെ ഇടക്കാല ജാമ്യമാണ് അനുവദിച്ചത്. ജൂൺ രണ്ടിന് ജയിലിൽ തിരികെയെത്തണമെന്നും നിർദേശമുണ്ട് .
തനിക്ക് പിഇടി-സിടി സ്കാനിനും മറ്റ് പരിശോധനകൾക്കും വിധേയനാകണമെന്നും ആരോഗ്യ പരിശോധന പൂർത്തിയാക്കാൻ ഏഴ് ദിവസത്തെ സമയം വേണമെന്നുമാണ് കെജ്രിവാൾ ഹർജിയിൽ ആവശ്യപ്പെട്ടിരിക്കുന്നത്.
