നെഹ്‌റുട്രോഫി: ഹൗസ് ബോട്ടുകളും എസ്.ഡബ്ല്യൂ.ടി ബോട്ടുകളും മാറ്റി പാർക്ക് ചെയ്യണം

ആലപ്പുഴ:  ഓഗസ്റ്റ് 10 ന്  പുന്നമടയിൽ നടക്കുന്ന  നെഹ്‌റുട്രോഫി ജലോത്സവമത്സര വള്ളംകളിക്ക് മുന്നോടിയായി മത്സര ട്രാക്ക് ആഴം കൂട്ടി ക്ലിയർ ചെയ്യുന്നതിനും മത്സരത്തിനുള്ള ട്രാക്ക് കുറ്റി അടിക്കുന്നതിനും പുന്നമട ഫിനിഷിംഗ് പോയിന്റിലുള്ള എല്ലാ ഹൗസ് ബോട്ടുകളും സ്റ്റേറ്റ് വാട്ടർ ട്രാൻസ്‌പോർട്ട് വകുപ്പിന്റെ ബോട്ടുകളും മാറ്റിപ്പാർപ്പിക്കേണ്ടതാണ്.  ജൂലൈ 16 രാവിലെ 8 മണി മുതൽ ആഗസ്റ്റ് 10 വൈകിട്ട് 7 മണി വരെ മാറ്റി പാർക്കേണ്ടത്.  ആലപ്പുഴ ഇറിഗേഷൻ ഡിവിഷൻ എക്സിക്യൂട്ടീവ് എഞ്ചിനീയറും എൻ.ടി.ബി.ആർ. ഇൻഫ്രാസ്‌ട്രെക്ചർ കമ്മറ്റി കൺവീനറുമായ എം.സി.സജീവ്കുമാർ അറിയിച്ചു.