തിരുവല്ല : ബാലഗോകുലം ശബരിഗിരി ഗോകുലജില്ല വാർഷിക സമ്മേളനം പ്രശസ്ത മേള പ്രമാണി ഡോ തിരുവല്ല രാധാകൃഷ്ണൻ ശ്രീകൃഷ്ണ വിഗ്രഹത്തിൽ മാല ചാർത്തി ഉദ്ഘാടനം ചെയ്തു. ശബരിഗിരി ഗോകുലജില്ല അദ്ധ്യക്ഷൻ എസ് മധുസൂദനൻ അദ്ധ്യക്ഷത വഹിച്ചു.
മുൻ സംഘടന വർഷത്തെ വൃത്തം ഗോകുലജില്ല കാര്യദർശി അനീഷ് എസ് കുമാർ അവതരിപ്പിച്ചു. സംസ്ഥാന കാര്യദർശി വി.ഹരികുമാർ മുഖ്യ പ്രഭാഷണം നടത്തി.ദക്ഷിണ കേരളം ഭഗിനി പ്രമുഖ ആർ.കെ രമാദേവി പുതിയ സംഘടന വർഷത്തെ ചുമതലകൾ പ്രഖ്യാപിച്ചു. ദക്ഷിണ കേരളം കാര്യദർശി ആർ പി രാമനാഥൻ വരുന്ന കാര്യപദ്ധതികളുടെ അവതരണം നടത്തി.
സമൂഹത്തിൽ വിവിധ മേഖലകളിൽ മാതൃകയായ സ്വാമിജി നിർവിണ്ണാനന്ദജി മഹാരാജ് (മഠാധിപതി, ശ്രീരാമകൃഷ്ണമഠം), സുജ ബഹൻ (ബ്രഹ്മകുമാരീസ് ഈശ്വരീയ വിദ്യാലയം), പ്രൊഫസർ റ്റി കെ ഗോവിന്ദൻ നമ്പൂതിരി (റിട്ട. പ്രൊഫസർ ബനാറസ് ഹിന്ദു യൂണിവേഴ്സിറ്റി), പരമേശ്വരക്കുറുപ്പ് (റിട്ട. അധ്യാപകൻ) തുടങ്ങിയവരെ ഗുരുവന്ദനം നടത്തി ആദരിച്ചു.
സംസ്ഥാന അധ്യക്ഷൻ ആർ പ്രസന്നകുമാർ, ദക്ഷിണ കേരളം നിർവാഹക സമിതിയംഗം പി എസ് ഗിരീഷ് കുമാർ, അനൂപ് ഇടപ്പാവൂർ, പത്തനംതിട്ട റവന്യൂ ജില്ല രക്ഷാധികാരി എ എം ബാലാമണിയമ്മ, അദ്ധ്യക്ഷൻ ജെ രാജേന്ദ്രൻ,കാര്യദർശി ആർ രഞ്ജിത്ത്, ഭഗിനി പ്രമുഖ ഷീജ കുമാരി, സമിതിയംഗം സജീവ് മുരാരി, എ ബി വി പി സംസ്ഥാന ഉപാദ്ധ്യക്ഷൻ അരുൺ മോഹൻ തുടങ്ങിയവർ പ്രസംഗിച്ചു.
