കൊല്ലം : സ്വത്തുതർക്കത്തെ തുടർന്ന് വയോധികയുടെ മുഖത്ത് മകളും ചെറുമകളും ചേർന്ന് ചൂടുവെള്ളം ഒഴിച്ചെന്ന് പരാതി.ഇടമുളയ്‌ക്കൽ സ്വദേശിനി രാധാമണിക്കാണ് പൊള്ളലേറ്റത് .സംഭവത്തിൽ മകൾ അശ്വതി അച്ചു എന്ന അശ്വതി (37), ചെറുമകൾ അമൃത (18) എന്നിവർക്കെതിരെ ചടയമംഗലം പൊലീസ് കേസെടുത്തു.
വീടും സ്ഥലവും എഴുതി നൽകാൻ ആവശ്യപ്പെട്ടാണ് അമ്മയെ മകൾ ഉപദ്രവിച്ചതെന്നാണ് പരാതി. ഹണിട്രാപ് ഉൾപ്പടെയുള്ള ഒട്ടേറെ കേസുകളിൽ പ്രതിയാണ് അശ്വതി.ഇവർ നേരത്തെയും മർദിച്ചിരുന്നതായി രാധാമണി പൊലീസിന് മൊഴി നൽകിയിട്ടുണ്ട്.
