മല്ലപ്പള്ളി: എഴുമറ്റൂർ 1190- നമ്പർ എൻഎസ്എസ് കരയോഗവും കോഴഞ്ചേരി മുത്തൂറ്റ് ക്യാൻസർ സെന്ററും സംയുക്തമായി സൗജന്യ ബ്രസ്റ്റ് ക്യാൻസർ പരിശോധനയും ബോധവൽക്കരണ ക്ലാസും സംഘടിപ്പിച്ചു.
എൻഎസ്എസ് താലൂക്ക് യൂണിയൻ പ്രസിഡന്റ് എം പി ശശിധരൻ പിള്ള ഉദ്ഘാടനം ചെയ്തു. കരയോഗം പ്രസിഡന്റ് ഇ എസ് ചന്ദ്രമോഹൻ അധ്യക്ഷത വഹിച്ചു. താലൂക്ക് യൂണിയൻ സെക്രട്ടറി കെ ജി ഹരീഷ്, സെക്രട്ടറി ദിപുരാജ് എം എന്നിവർ പ്രസംഗിച്ചു. ഡോ. ഭവ്യ എസ് കുമാർ ക്ലാസുകൾ നയിച്ചു.
