പത്തനംതിട്ട : റാന്നിയിലെ റാന്നി ഗേറ്റ് ബാറിൽ സംഘർഷം. ആക്രമണത്തിൽ
യുവാവിന്റെ ചുണ്ട് മറ്റൊരാൾ കടിച്ചു മുറിച്ചു. സംഭവത്തിൽ 2 പേരെ റാന്നി പൊലീസ് പിടികൂടി. വെള്ളിയാഴ്ച രാത്രി 10.45 ന് ആണ് ബാറിൽ സംഘർഷം ഉണ്ടായത്. മുക്കാലുമൺ തുണ്ടിയിൽ വീട്ടിൽ വിശാഖ് വിജയന്റെ (32) ചുണ്ട് ആണ് കടിച്ചു മുറിച്ചത്. ആക്രമണം നടത്തിയ പരുത്തിക്കാവ് സ്വദേശികളായ വിഷ്ണു, ജേക്കബ് എന്നിവരെ അറസ്റ്റ് ചെയ്തതായി റാന്നി പൊലീസ് ഇന്ന് അറിയിച്ചു.
വിശാഖ് വിജയനെ വിദഗ്ധ ചികിത്സയ്ക്കായി റാന്നിയിലെ ആശുപത്രിയിൽ നിന്ന് തിരുവല്ലായിലെ സ്വകാര്യ മെഡിക്കൽ കോളേജ് ആശുപത്രിയിലേക്ക് മാറ്റി. ചുണ്ട് തുന്നിച്ചേർത്തതായി ആശുപത്രി അധികൃതർ അറിയിച്ചു
