കേരള സർവകലാശാല ആസ്ഥാനത്തേക്ക് നടത്തിയ എസ്.എഫ്.ഐ മാർച്ചിൽ സംഘർഷം

തിരുവനന്തപുരം : കേരള സർവകലാശാല ആസ്ഥാനത്തേക്ക് എസ്.എഫ്.ഐ.നടത്തിയ ജില്ലാ മാർച്ചിൽ സംഘർഷം. സർവകലാശാല ആസ്ഥാനത്ത് വൈസ് ചാൻസിലർക്കെതിരെ നടന്നുവരുന്ന രാപ്പകൽ സമരത്തിന്റെ തുടർച്ചയായാണ് മാർച്ച് .പോലീസ് ബാരിക്കേഡുകൾ മറികടന്ന് നിരവധി പ്രവർത്തകർ സർവകലാശാല കാമ്പസിനകത്തേക്ക് കടന്നു . സമരക്കാരെ പിരിച്ചുവിടാൻ പോലീസ് പലതവണ ജലപീരങ്കി പ്രയോഗിച്ചു. സർവകലാശാല യൂണിയൻ യുവജനോത്സവം അടിയന്തരമായി നടത്തുക, ഇന്റർ യൂണിവേഴ്‌സിറ്റി കായികമേളയിൽ പങ്കെടുത്തവർക്ക് ടി.എ. അനുവദിക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം.