മൂർഖന്റെ കടിയേറ്റ് ചികിത്സയിലായിരുന്ന നാലുവയസ്സുകാരി മരിച്ചു

കാസർകോട് : കാസർകോട് പാമ്പുകടിയേറ്റ് ചികിത്സയിലായിരുന്ന നാലു വയസ്സുകാരി മരിച്ചു.ചിറ്റാരിക്കാൽ എളേരിത്തട്ടിൽ ശരത്– അജിത ദമ്പതികളുടെ മകൾ ഋതു ചന്ദ്രയാണ് ചികിത്സയിലിരിക്കെ മരിച്ചത്.തിങ്കളാഴ്ചാണ് കുട്ടിക്ക് മൂർഖന്റെ കടിയേറ്റത്.വീട്ടുമുറ്റത്ത് പന്തുകളിക്കുന്നതിനിടയിൽ പന്ത് ഉരുണ്ടുപോയപ്പോൾ അതെടുക്കാൻ പോയ കുട്ടിയെ കൂട്ടിയിട്ടിരുന്ന മരക്കഷണങ്ങൾക്കിടയിൽ നിന്ന് മൂർഖൻ പാമ്പ് കടിക്കുകയായിരുന്നു.ഉടൻ തന്നെ സമീപത്തെ ആശുപത്രിയിൽ പ്രാഥമിക ചികിത്സ നൽകിയ ശേഷം പരിയാരം മെഡിക്കൽ കോളജിൽ പ്രവേശിപ്പിക്കുകയായിരുന്നു.