ചങ്ങനാശ്ശേരി : കേരളത്തിലെ ജനകീയ സമരങ്ങളോട് സർക്കാർ കടുത്ത അസഹിഷ്ണുതയാണ് കാണിക്കുന്നതെന്ന് കേരള കോൺഗ്രസ്‌ ഉന്നതാധികാര സമിതി അംഗം വി ജെ ലാലി പറഞ്ഞു. സർക്കാരിന്റെ ജനവിരുദ്ധ സമീപനത്തിൽ മാറ്റം വരുത്തണമെന്നും അദ്ദേഹം പറഞ്ഞു.ആശാ വർക്കർമാരുടെ സമരത്തിന് പിന്തുണ പ്രഖ്യാപിച്ചുകൊണ്ട് സമര സഹായ സമിതിയുടെ നേതൃത്വത്തിൽ കെ റെയിൽ വിരുദ്ധ മാടപ്പള്ളി സമര പന്തലിൽ നടത്തിയ പ്രതിക്ഷേധ സദസിന്റെ താലൂക്ക് തല ഉത്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം.
കെ റെയിൽ വിരുദ്ധ ജനകീയ സമിതി ജില്ലാ ചെയർമാൻ ബാബു കുട്ടൻചിറയുടെ അധ്യക്ഷതയിൽ മിനി കെ ഫിലിപ്പ് മുഖ്യ പ്രസംഗം നടത്തി.റോസിലിൻ ഫിലിപ്പ്, മജീദ് ഖാൻ, ജോഷി കുറുക്കൻകുഴി, ഷിബു എഴെപുഞ്ചയിൽ,സേവ്യർ ജേക്കബ്, ജോജോ അലക്സ്‌,ലിസി ജോസ്,ടോജി, കളത്തിൽപറമ്പിൽ,അരവിന്ദ് വേണുഗോപാൽ, സാജൻ കോരണ്ടിത്തറ,പോത്തൻ ജോസഫ്,ബേബിച്ചൻ കട്ടക്കുഴി, എ റ്റി വര്ഗീസ്, കൃഷ്ണൻനായർ റ്റി വി, ജോസി സെബാസ്റ്റ്യൻ,ജോജി ജോസഫ്, വി സി മാത്യു,ജോമി ജോസഫ് എന്നിവർ പ്രസംഗിച്ചു.
