അടൂർ: ലൈഫ് ലൈൻ ആശുപത്രിയിൽ സമഗ്ര കാൻസർ ചികിത്സാ സേവനങ്ങൾ ഉറപ്പാക്കുന്ന സർജിക്കൽ ഓങ്കോളജി, മെഡിക്കൽ ഓങ്കോളജി & ഓങ്കോജനറ്റിക്സ് വകുപ്പിന്റെ ഔദ്യോഗികമായ ഉദ്ഘാടനം മെയ് 22 നു നടക്കും. 22-നു അടൂർ വൈറ്റ് പോർട്ടിക്കോയിൽ നടക്കുന്ന ചടങ്ങിൽ ഓർത്തഡോൿസ് സഭ കുര്യാക്കോസ് മാർ ക്‌ളീമീസ് വലിയ മെത്രാപ്പോലീത്ത ഉദ്ഘാടനം നിർവഹിക്കും.
ഉദ്‌ഘാടനത്തിനു ശേഷം നടക്കുന്ന പാരമ്പര്യ കാൻസറുകളുടെ ജനിതകശാസ്ത്രം എന്ന വിഷയത്തിലുള്ള സമ്മേളനത്തിൽ റേഡിയേഷൻ ഓങ്കോളജി ദേശീയ പ്രസിഡണ്ടായ പ്രൊഫ്. ഡോ. സി. എസ്. മധു ഈ പരിപാടിയുടെ മുഖ്യാതിഥിയായിരിക്കും. കാൻസർ ജനിതകശാസ്ത്രത്തിലും പ്രിസിഷൻ ഓങ്കോളജി മേഖലയിലും പ്രമുഖ വിദഗ്ധനായ പ്രൊഫ്. ഡോ. രാജീവ് സരിൻ (ടാറ്റാ ഹോസ്പിറ്റൽ, മുംബൈ) മുഖ്യ പ്രഭാഷണം നടത്തും.
