പത്തനംതിട്ട: തണ്ണിത്തോട് അഞ്ചു കുഴി ജനവാസ മേഖലയ്ക്ക് സമീപം കടുവയെ കണ്ടതായി സംശയം. കഴിഞ്ഞ ദിവസം രാവിലെ പത്ത് മണിയോടെ അഞ്ചുകുഴി വനാതിർത്തിയോട് ചേർന്നുള്ള താമസക്കാരാണ് കടുവയെ കണ്ടതായി പറയുന്നത്. അഞ്ചു കുഴി താന്നിനിൽക്കും കാലായിൽ അനിരുദ്ധൻ്റ ഭാര്യ വീട്ടുമുറ്റത്ത് നിൽക്കുമ്പോൾ വനത്തിലൂടെയുള്ള അഞ്ചു കുഴി – കുടപ്പനക്കുളം റോഡ് കുറുകെ കടുവ കടന്ന് പോകുന്നതായി കണ്ടത്.
സംഭവം അറിയിച്ചതിനെ തുടർന്ന് തണ്ണിത്തോട് ഫോറസ്റ്റ് സ്റ്റേഷനിലെ ഉദ്യേഗസ്ഥർ സ്ഥലത്ത് എത്തി പരിശേധന നടത്തിയെങ്കിലും ഒന്നും കണ്ടെത്താൻ കഴിഞ്ഞില്ല. വനപാലകരുടെ നീരിക്ഷണത്തിലാണ് ഇപ്പോൾ പ്രദേശം.
