തിരുവല്ല: അഴിയിടത്തുചിറ ഉത്രമേൽ ഭഗവതി ക്ഷേത്രത്തിൽ പതിനേഴാമത് ശ്രീമദ് ദേവീ ഭാഗവത നവാഹ യജ്ഞത്തിന്റെ ഭാഗമായി ഇന്നലെ വൈകിട്ട് കുമാരി പൂജ നടന്നു. ഒമ്പത് ദിവസം നീണ്ടു നിന്നിരുന്ന നവാഹം ഇന്ന് സമാപിക്കും.
ഇന്ന് (2) രാവിലെ 7-ന് ഗായത്രീ ഹോമം, 9-30 ന് മണിദീപ വർണ്ണന, 10-30 ന് പാരായണ സമർപ്പണം. തുടർന്ന് അവഭൃഥസ്നാന ഘോഷയാത്ര. അഴിയിടത്തുചിറ ശ്രീ അനിരുദ്ധേശ്വരം മഹാദേവ ക്ഷേത്രത്തിൽ നിന്നും ആരംഭിച്ച് താലപ്പൊലി, നാമജപം, വാദ്യമേളങ്ങളുടെ അകമ്പടിയോടെ ക്ഷേത്രത്തിൽ എത്തിച്ചേരും.
തുടർന്നു നടക്കുന്ന കുങ്കുമ കലശാഭിഷേകം, യജ്ഞ സമർപ്പണം, ദീപാരാധനയോടു കൂടി നവാഹ യജ്ഞം സമാപിക്കും.
ദേവസ്വം കമ്മറ്റി പ്രസിഡന്റ് വി കെ മുരളീധരൻ നായർ, സെക്രട്ടറി മനോജ് കുമാർ, വൈസ് പ്രസി. കെ വി കിരൺകുമാർ, ജേ. സെക്രട്ടറി ഡി ഉണ്ണികൃഷ്ണൻ നായർ, ഖജാൻജി പി ആർ രാജേഷ് എന്നിവർ നേതൃത്വം നൽകും.
