പത്തനംതിട്ട: സുഹൃത്തിൻ്റെ ചരമവാർഷിക ദിനാചരണത്തിൽ പങ്കെടുത്ത ശേഷം കാപ്പാ കേസ് പ്രതി ആത്മഹത്യ ചെയ്തു. പത്തനംതിട്ട തട്ട മാമൂട് സ്വദേശി ഉണ്ണി (25) ആണ് വീടിന് സമീപമുള്ള പറമ്പിലെ മരക്കൊമ്പിൽ തൂങ്ങി മരിച്ചത്. കഴിഞ്ഞ വർഷം ആത്മഹത്യ ചെയ്ത അജയൻ്റ ചരമവാർഷികത്തിൽ പങ്കെടുക്കാനായാണ് ഉണ്ണി കൊട്ടരക്കരയിലെ ജോലി സ്ഥലത്തു നിന്നും നാട്ടിലെത്തിയത്. ഇരുവരും അടുത്ത സുഹ്യത്തുക്കളായിരുന്നു.
കാപ്പാ കേസ് അടക്കം നിരവധി ക്രിമിനൽ കേസുകളിൽ പ്രതിയാണ് ഉണ്ണി എന്ന് പൊലീസ് അധികൃതർ അറിയിച്ചു. ഇന്നലെയായിരുന്നു അജയൻ്റ മരണാനന്തര ചടങ്ങുകൾ. ഇന്ന് (ഞായർ ) പുലർച്ചെയാണ് ഉണ്ണിയുടെ മൃതദേഹം തൂങ്ങി മരിച്ച നിലയിൽ കണ്ടെത്തിയത്. മൃതദേഹം കോട്ടയം മെഡിക്കൽ കോളേജിലെത്തിച്ച് പോസ്റ്റ്മോർട്ടം നടത്തിയ ശേഷം ബന്ധുക്കൾക്ക് വിട്ടുകൊടുത്തു.
