എംടിക്ക് യാത്രാമൊഴി ചാെല്ലി കേരളം

കോഴിക്കോട് : എംടി വാസുദേവൻ നായർക്ക് യാത്രാമൊഴി ചാെല്ലി കേരളം. മാവൂർ റോഡിലെ ശ്മശാനമായ സ്മൃതിപഥത്തിൽ എംടിയുടെ സഹോദരപുത്രൻ ടി. സതീശൻ അന്ത്യകർമങ്ങൾ നിർവഹിച്ചു.സർക്കാരിന്റെ പൂർണ ഔദ്യോ​ഗിക ബഹുമതികളോടെയായിരുന്നു സംസ്കാരം.വൈകിട്ട് മൂന്നുമണിയോടെ വീട്ടിൽ ആരംഭിച്ച ചടങ്ങുകൾക്കു ശേഷം നാലു മണിയോടെ വൻ ജനാവലിയുടെ അകമ്പടിയോടെ വിലാപയാത്ര ആരംഭിച്ചു.മലയാളത്തിന്റെ മഹാപ്രതിഭയ്ക്ക് അന്ത്യാഞ്ജലി അർപ്പിക്കാൻ വീട്ടിലും ശ്മശാനത്തിലുമായി ധാരാളം ആളുകൾ എത്തിയിരുന്നു.