കോട്ടയം: പന്നിമറ്റം ഇല്ലിമൂട് കവലയിൽ ലോഡുമായി കയറ്റം കയറി വന്ന പിക്കപ്പ് ഓട്ടോ മറിഞ്ഞു. ഡ്രൈവർ പരിക്കേൽക്കാതെ രക്ഷപെട്ടു . ഇല്ലിമൂട് കവലയ്ക്ക് സമീപം പ്രവർത്തിക്കുന്ന സ്വകാര്യ സ്ഥാപനത്തിലെ വാഹനമാണ് അപകടത്തിൽപെട്ടത് . ഈ സ്ഥാപനത്തിൽ നിന്നും നിറയെ കാലിത്തീറ്റച്ചാക്കുകളുമായി കയറ്റം കയറി പ്രധാന റോഡായ പാക്കിൽ – പന്നിമറ്റം റോഡിലേയ്ക്ക് എത്തുകയായിരുന്നു വാഹനം .
എഞ്ചിനുൾപ്പെടെയുള്ള പ്രധാന ഭാഗങ്ങളെല്ലാം വാഹനത്തിന്റെ പിൻ ഭാഗത്തായതിനാൽ കയറ്റം കയറിയപ്പോൾ വാഹനത്തിൽ കയറ്റിയ ലോഡിന്റെ ഭാരവും കൂടിയായപ്പോൾ കയറ്റത്തിൽ നേരെ തലകീഴായി മറിയുകയായിരുന്നു. കാൽനടയാത്രക്കാരോ മറ്റു വാഹനങ്ങളോ സമീപത്തില്ലാത്തതിനാൽ മറ്റ് അപകടം ഒഴിവായി. ഓടിക്കൂടിയ നാട്ടുകാരും പന്നിമറ്റം കവലയിലെയും ഇല്ലിമൂട് കവലയിലെയും മറ്റ് ഓട്ടോ റിക്ഷാ ഡ്രൈവർമാരും ചേർന്ന് ചാക്കുകൾ ഇറക്കിയ ശേഷം വാഹനം ഉയർത്തി.
