കോഴഞ്ചേരി : ഇൻസ്റ്റഗ്രാം വഴി പരിചയപ്പെട്ട മാനസിക വെല്ലുവിളി പേരിടുന്ന കോളേജ് വിദ്യാർഥിനിയെ പീഡിപ്പിച്ച കേസിൽ 5 പേരെ കോയിപ്രം പൊലീസ് ഇന്ന് രാത്രി പിടികൂടി. കസ്‌റ്റഡിയിലുള്ള ഇവരെ ചോദ്യം ചെയ്തു വരികയാണെന്ന് കോയിപ്രം പൊലീസ് അറിയിച്ചു.
പ്രതികൾക്കെതിരെ 8 കേസുകൾ ചുമത്തിയിട്ടുണ്ടെന്നാണ് അറിവ്. കോഴഞ്ചേരി കോളേജിലെ രണ്ടാം വർഷ ബിരുദ വിദ്യാർഥിനിയാണ് പീഡനത്തിനിരയായത്. ആദ്യം പീഡിപ്പിച്ചവർ മറ്റുള്ളവർക്ക് പെൺകുട്ടിയുടെ മൊബൈൽ നമ്പർ കൈമാറി അവരും പീഡിപ്പിക്കുകയായിരുന്നുവെന്ന് പൊലീസ് പറഞ്ഞു.
പത്തനംതിട്ട വനിതാ പൊലീസ് സ്റ്റേഷനിലാണ് ഇതു സംബന്ധിച്ച പരാതി ലഭിച്ചത്. തുടർന്ന് ഡിവൈ എസ് പി എസ്. നന്ദകുമാറിൻ്റെ നിർദേശത്തെ തുടർന്ന് വനിതാ പൊലീസ് സ്റ്റേഷനിൽ ഞായറാഴ്ച പെൺകുട്ടിയുടെ മൊഴി രേഖപ്പെടുത്തി കോയിപ്രം പൊലീസ് കേസ് രജിസ്റ്റർ ചെയ്യുകയായിരുന്നു. പ്രതികൾ കോയിപ്രം സ്റ്റേഷൻ പരിധിയിൽ ഉള്ളവരാണ്.
