മലപ്പുറം : സാക്ഷരതാ പ്രവർത്തക പത്മശ്രീ കെ വി റാബിയ അന്തരിച്ചു.58 വയസ്സായിരുന്നു .അർബുദം ബാധിച്ച് ഒരു മാസത്തോളമായി കോട്ടയ്ക്കലിൽ സ്വകാര്യ ആശുപത്രിയിൽ ചികിത്സയിലായിരുന്നു.തിരൂരങ്ങാടി വെള്ളിലക്കാട് സ്വദേശിനിയാണ്.
14-ാമത്തെ വയസിലാണ് റാബിയയ്‌ക്ക് പോളിയോ ബാധിച്ചത്.ഏറെ വെല്ലുവിളികള്‍ നേരിട്ടായിരുന്നു പഠനം പൂര്‍ത്തിയാക്കിയത്. പ്രീഡിഗ്രി പഠനത്തിന് ശേഷം വീട്ടില്‍ സാക്ഷരതാക്ലാസ് തുടങ്ങി.1994-ല്‍ ചലനം ചാരിറ്റബിള്‍ സൊസൈറ്റി എന്ന പേരില്‍ വനിതാ വികസനവും സാക്ഷരതയും ലക്ഷ്യമാക്കി സംഘടനയ്ക്ക് രൂപം നല്‍കി.സംസ്ഥാന സർക്കാരിൽ നിന്ന് നിരവധി പുരസ്കാരങ്ങൾ റാബിയയ്‌ക്ക് ലഭിച്ചിട്ടുണ്ട്.2022ൽ പത്മശ്രീ നൽകി രാജ്യം ആദരിച്ചിരുന്നു.
