വിഴിഞ്ഞത്ത് വൻ കവർച്ച : 90 പവൻ സ്വർണവും ഒരു ലക്ഷം രൂപയും മോഷ്ടിച്ചു

തിരുവനന്തപുരം : വിഴിഞ്ഞത്ത് വീട് കുത്തിതുറന്ന് വൻ കവർച്ച.90 പവൻ സ്വർണവും ഒരു ലക്ഷം രൂപയും മോഷണം പോയി .മുൻ ഫയർഫോഴ്സ് ഉദ്യോഗസ്ഥനായ ഗിൽബർട്ടിന്റെ വീട്ടിലാണ് കവർച്ച നടന്നത്.ഇന്നലെ രാത്രിയാണ് സംഭവം.സഹോദരിയുടെ മകന്റെ മരണവുമായി ബന്ധപ്പെട്ട് വീട്ടുകാർ സഹോദരിയുടെ വീട്ടിലായിരുന്നു .രാവിലെ തിരിച്ചെത്തിയപ്പോൾ മുന്നിലെ വാതിൽ കുത്തി തുറന്ന നിലയിലായിരുന്നു.മുകളിലെ നിലയിലെ അലമാരയിൽ സൂക്ഷിച്ചിരുന്ന 90 പവനും താഴെത്തെ നിലയിലെ പണവുമാണ് നഷ്ടപ്പെട്ടത് .വിഴിഞ്ഞം പൊലീസ് അന്വേഷണം ആരംഭിച്ചു.