പത്തനംതിട്ട : ശബരിമല തീർഥാടകർ സഞ്ചരിച്ച മിനി ബസ് ഇടിച്ച് വഴിയരികിൽ നിന്ന തീർത്ഥാടകൻ മരിച്ചു.തമിഴ്‌നാട്ടിൽ നിന്നെത്തിയ തീർത്ഥാടകർ സഞ്ചരിച്ചിരുന്ന ബസാണ് അപകടത്തിൽപ്പെട്ടത്. വൈകീട്ട് അഞ്ചുമണിയോടെ എരുമേലി-പമ്പ ശബരിമല പാതയിലെ തുലാപ്പള്ളി ആലപ്പാട്ട് പടിയിലാണ് അപകടം നടന്നത്.
കുത്തനെയുള്ള ഇറക്കം ഇറങ്ങുമ്പോൾ നിയന്ത്രണം നഷ്ടമായ ബസ് സമീപത്തെ ഹോട്ടലിന്റെ പാർക്കിംഗ് പ്രദേശത്തുള്ള രണ്ട് കാറുകളിലിടിച്ച ശേഷം മുൻഭാഗം താഴ്‌ചയിലേക്ക് മറിഞ്ഞു.റോഡരികിൽ നിന്നയാളിന്റെ ശരീരത്തിലൂടെയാണ് ബസ് കയറിയിറങ്ങിയത്.വാഹനത്തിൽ ഉണ്ടായിരുന്നവർ അടക്കം പരിക്കേറ്റവരെ എരുമേലിയിലെ ആശുപത്രിയിൽ പ്രവേശിപ്പിച്ചു.
