ജനറൽ ആശുപത്രിയിൽ രോഗിയുടെ തലയിൽ ചക്ക വീണ് പരുക്കേറ്റു

പത്തനംതിട്ട : പത്തനംതിട്ട ജനറൽ ആശുപത്രിയിൽ രോഗിയുടെ തലയിൽ ചക്ക വീണു .ഓമല്ലൂർ സ്വദേശി എൻ. ഗംഗാധരൻ നായർക്കാണ് (78) പരിക്കേറ്റത്. ഡോക്ടറെ കണ്ട ശേഷം മരുന്ന് വാങ്ങാനായി കൗണ്ടറിൽ പോയി വരി നിൽക്കുമ്പോഴാണ് ചക്ക തലയിൽ വീണത്. അത്യാഹിത വിഭാഗത്തിനു മുൻപിൽ നിന്നിരുന്ന പ്ലാവിൽ നിന്നാണ് ചക്ക വീണത്. ചക്ക തലയിൽ വീണതോടെ ബോധരഹിതനായ ഗംഗാധരൻ നായരെ ഉടൻ തന്നെ അത്യാഹിത വിഭാഗത്തിൽ പ്രവേശിപ്പിച്ചു. കാൽമുട്ടിലും, കൈകളിലും, കാൽവിരലുകളിലും പരുക്കുണ്ട്. നിലവിൽ അദ്ദേഹം ജനറൽ ആശുപത്രിയിൽ ചികിത്സയിലാണ്.