പൊലീസില്‍ വിവരം നല്‍കി : യുവാവിന്റെ വീട്ടിൽക്കയറി ആക്രമണം നടത്തി ലഹരിക്കേസ് പ്രതികൾ

കാസർകോട് : ലഹരിവിൽപന സംബന്ധിച്ചു പൊലീസിനു വിവരം നൽകിയെന്നാരോപിച്ച് ലഹരിക്കേസ് പ്രതികൾ യുവാവിന്റെ വീട്ടിൽക്കയറി ആക്രമണം നടത്തി .സംഭവത്തിൽ യുവാവിനും മാതാവിനും പരിക്കേറ്റു .കാസർകോട് കെകെ പുറം കുന്നിൽ മുഹമ്മദ് സിനാൻ, ഉമ്മ ബി.സൽമ എന്നിവർക്കാണു മർദനമേറ്റത്. ഇവർ ആശുപത്രിയിൽ ചികിത്സയിലാണ്. വീടിന്റെ ജനല്‍ ചില്ലുകളും അടിച്ചു തകര്‍ത്തിട്ടുണ്ട്. സംഭവത്തിൽ അയൽവാസികളായ ഉമ്മര്‍ ഫാറൂഖ് ,സഹോദരൻ നയാസ് എന്നിവർക്കെതിരെ വിദ്യാനഗർ പൊലീസ് കേസെടുത്തു. എം.ഡി.എം.എ. ഉപയോഗിച്ചതിന് പോലീസ് പിടികൂടി സ്റ്റേഷന്‍ ജാമ്യത്തില്‍ ഇറങ്ങിയ ഉമ്മര്‍ ഫാറൂഖും നയാസും ചേര്‍ന്ന് പോലീസിന് വിവരം നല്‍കിയെന്നാരോപിച്ചാണ് ഞായറാഴ്ച വീട് കയറി ആക്രമിച്ചത്.