തിരുവല്ല : പ്രൊഫ. ജി രാജശേഖരൻ നായർ ഫൗണ്ടേഷൻ ഏർപ്പെടുത്തിയ പ്രൊഫ. ജി രാജശേഖരൻ നായർ പുരസ്കാരം ചലച്ചിത്ര സംവിധായകൻ പ്രൊഫ. കവിയൂർ ശിവപ്രസാദിന് സമ്മാനിച്ചു. തിരുവല്ല അർബൻ സഹകരണ ബാങ്ക് ഓഡിറ്റോറിയത്തിൽ നടന്ന അനുസ്മരണ സമ്മേളനത്തിൻ്റെ ഉദ്ഘാടനം നിർവഹിച്ച സംസ്ഥാന സാക്ഷരത മിഷൻ ഡയറക്ടർ ഡോ. എ ജി ഒലീന ശിലാഫലകവും 25000 രൂപയും ഉൾപ്പെടുന്നതാണ് പുരസ്കാരം ശിവ പ്രസാദിന് സമർപ്പിച്ചു.
ചടങ്ങിൽ അധ്യക്ഷത വഹിച്ച കവി പ്രഭാവർമയെ ഡോ.വർഗീസ് ജോർജ് ആദരിച്ചു. ഫൗണ്ടേഷൻ വർക്കിംഗ് പ്രസിഡൻ്റ് അഡ്വ. ഫ്രാൻസിസ് വി ആൻ്റണി, സെക്രട്ടറി ഡോ. റാണി ആര് നായർ, ജോ. സെക്രട്ടറി എ ഗോകുലേന്ദ്രൻ, പുരോഗമന കലാസാഹിത്യ സംഘം ജില്ലാ സെക്രട്ടറി അഡ്വ.സുധീഷ് വെൺപാല, അഡ്വ.കെ അനന്തഗോപൻ, അഡ്വ. ആർ സനൽകുമാർ, ബിനിൽകുമാർ, ഫാ മാത്യൂസ് വാഴക്കുന്നം, ഡോ.വർഗീസ് മാത്യു, ആർ ജയകുമാർ, അഡ്വ.പി ജി പ്രസന്നകുമാർ, അഡ്വ.കെ പ്രകാശ് ബാബു, അഡ്വ.ജെനു മാത്യു, വി ബാലചന്ദ്രൻ, ഡി ആത്മലാൽ എന്നിവർ പ്രസംഗിച്ചു.