തിരുവല്ല: ഡൽഹിയിലെ ചോദ്യ പേപ്പർ ചോർച്ച വിഷയത്തിൽ രാഹുൽ ഗാന്ധിയും കോൺഗ്രസ് എംപിമാരും നടത്തിയ പ്രതിഷേധത്തിൽ പോലീസിനെ ഉപയോഗിച്ച് വേട്ടയാടാനാണ് കേന്ദ്ര സർക്കാർ ശ്രമിക്കുന്നതെന്നു തിരുവല്ല ബ്ലോക്ക് കോൺഗ്രസ് കമ്മിറ്റി ആരോപിച്ചു. തുടർന്നു റെയിൽവേ സ്റ്റേഷനിലേക്ക് മാർച്ചും ധർണയും നടത്തി. പ്രതിഷേധ യോഗം ഡി സി സി ജനറൽ സെക്രട്ടറി ആർ. ജയകുമാർ ഉദ്ഘാടനം ചെയ്തു. ബ്ലോക്ക് കോൺഗ്രസ് പ്രസിഡൻ്റ് ബിനു വി ഈപ്പൻ അധ്യക്ഷത വഹിച്ചു.
യൂത്ത് കോൺഗ്രസ് സംസ്ഥാന സെക്രട്ടറി ജിജോ ചെറിയാൻ, വിശാഖ് വെൺപാല, യൂത്ത് കോൺഗ്രസ് നിയോജക മണ്ഡലം പ്രസിഡൻ്റ് അഭിലാഷ് വെട്ടിക്കാടൻ, ജി ശ്രീകാന്ത്,രതീഷ് പാലായിൽ, രാജേഷ് മലയിൽ, ബെന്നി സക്കറിയ, കെ വി വർഗ്ഗീസ്, എ ജി ജയദേവൻ, ശാന്തകുമാരി, ടോണി ഇട്ടി, രംഗനാഥൻ, രാജൻ തോമസ്, രേഷ്മ രാജശ്വേരി, റോയ് തിരുമൂലപുരം, ജയ്സൺ പടിയറ, റോജി വർഗ്ഗീസ് എന്നിവർ പ്രസംഗിച്ചു.
