ആലപ്പുഴ: ട്രെയിന്‍ എത്തിയിട്ടും റെയില്‍വേ ഗേറ്റ് അടയ്ക്കാതെ ഗേറ്റ് കീപ്പറുടെ അനാസ്ഥ. ഹരിപ്പാട് ആയാപറമ്പ് ആലിന്‍ചുവട് ഗേറ്റില്‍ വന്‍ അപകടം ഒഴിവായത് തലനാരിഴയ്ക്ക്. ആസമയത്ത് ട്രാക്കില്‍ ബസ് ഉള്‍പ്പടെ വാഹനങ്ങള്‍ ഉണ്ടായിരുന്നു. വാഹനങ്ങള്‍ കണ്ടതോടെ ലോക്കോ പൈലറ്റ് ട്രെയിന്‍ നിര്‍ത്തുകയായിരുന്നു.
എന്നാല്‍ സിഗ്നല്‍ ലഭിച്ചില്ലെന്നാണ് ഗേറ്റ് കീപ്പര്‍ പറയുന്നത്. ഇന്ന് വൈകീട്ടാണ് സംഭവം. ജാംനഗര്‍ – തിരുനെല്‍വേലി എക്‌സ്പ്രസാണ് നിര്‍ത്തിയത്. സംഭവം ലോക്കോ പൈലറ്റ് തന്നെ റെയിൽവേ അധികൃതരെ അറിയിച്ചു.
