തിരുവല്ല : പെരിങ്ങര ഗവ ഹയർ സെക്കണ്ടറി സ്കൂളിൽ വായന പക്ഷാചരണം തിരുവല്ല ജില്ലാ വിദ്യാഭ്യാസ ഓഫീസറുടെ ചുമതലയുള്ള വി.കെ. മിനികുമാരി ഉദ്ഘാടനം ചെയ്തു. പി.ടി.എ പ്രതിനിധി രമ്യ.ജി.നായർ അദ്ധ്യക്ഷയായി. വിദ്യാരംഗം കലാ സാഹിത്യ വേദിയുടെ ഉദ്ഘാടനം സാഹിത്യകാരനും പൂർവ്വ വിദ്യാർത്ഥിയുമായ പെരിങ്ങര രാജഗോപാൽ നിർവ്വഹിച്ചു.
സ്കൂൾ ഹെഡ്മിസ്ട്രസ് വി.വി.ചിത്ര, കെ.അജയകുമാർ,വിദ്യാരംഗം കോ-ഓർഡിനേറ്റർ വി.ബി. മധു എന്നിവർ സംസാരിച്ചു. വായന ദിനത്തിന്റെ ഭാഗമായി കുട്ടികൾ വായിച്ച പ്രിയപ്പെട്ട പുസ്തകങ്ങൾ പരിചയപ്പെടുത്തി. പുസ്തക വിതരണം, കാവ്യാലാപനം, വായന ദിന സന്ദേശം, വായന ദിന പ്രതിജ്ഞ, പോസ്റ്റർ പ്രദർശനം എന്നിവ സംഘടിപ്പിച്ചു.
