ന്യൂഡൽഹി : ചെങ്കോട്ട സ്ഫോടനത്തിൽ പ്രതികളായ നാല് ഡോക്ടർമാർ ഉൾപ്പെടെ 10 പേർക്കെതിരെ കുറ്റപത്രം തയ്യാറാക്കി അന്വേഷണ ഏജൻസി.കാർ ബോംബ് സ്ഫോടനം നടത്തിയ ഡോ. ഉമർ നബി,ഡോ. മുസാമിൽ ഷക്കീൽ ഗാനൈ,ഡോ. അദീൽ അഹമ്മദ് റാതൽ, ഉത്തർപ്രദേശിൽ നിന്നുളള ഡോ.ഷഹീൻ സയീദ് എന്നീ ഡോക്ട‌ർമാരും മറ്റ് ആറുപേരുമാണ് കുറ്റപത്രത്തിലുളളത്.
നിരോധിത സംഘടനയായ ‘അൻസാർ ഗസ്വത്തുൽ ഹിന്ദ്’ പുനരുജ്ജീവിപ്പിക്കാനായിരുന്നു ഇവരുടെ നീക്കം.മെഡിക്കൽ പ്രെഫഷനുകൾ ഉൾപ്പെടെയുളള ഉയർന്ന വിദ്യാഭ്യാസമുളളവർ നേതൃത്വം നൽകിയ സംഘത്തിൽ നിന്ന് 3000 കിലോ സ്ഫോടകവസ്തുക്കളാണ് കണ്ടെടുത്തത്. ചെങ്കോട്ടയ്ക്ക് സമീപം കഴിഞ്ഞ വർഷം നവംബർ 10-ന് വൈകുന്നേരം 6:52 ഓടെയാണ് കാർ സ്ഫോടനം നടന്നത്.സ്ഫോടനത്തിൽ 12 പേർ കൊല്ലപ്പെട്ടു .
