തിരുവനന്തപുരം : കോവളത്ത് സ്പായില്‍ 16കാരിയെമാതൃസഹോദരിയും ഭര്‍ത്താവും ചേര്‍ന്ന് വിറ്റു.സംഭവത്തില്‍ സ്പാ ജീവനക്കാരായ ആലപ്പുഴ സ്വദേശി സജിത്, പൂവാര്‍ സ്വദേശി നിഷാന്ത് എന്നിവരെ പൊലീസ് അറസ്റ്റ് ചെയ്തു .ആന്ധ്രാപ്രദേശ് സ്വദേശിനിയായ പെണ്‍കുട്ടിയെ ജൂലൈയിലാണ് മാതൃസഹോദരിയും ഭര്‍ത്താവും കോവളത്ത് എത്തിച്ചത്.അമ്മയും അച്ഛനും മരിച്ചതിനാല്‍ കുട്ടിയുടെ സംരക്ഷണത്തിന്റെ ചുമതല ഇവര്‍ക്കായിരുന്നു.
പെണ്‍കുട്ടിയുടെ കൈവശം 20 വയസുണ്ടെന്ന് തെളിയിക്കുന്ന വ്യാജ ആധാര്‍ കാര്‍ഡുണ്ടായിരുന്നു.വിവിധ സ്പാകളില്‍ ജോലി ചെയ്ത് വരികയായിരുന്ന പെൺകുട്ടി ഒരു സ്പായിലെ യുവാവുമായി പ്രണയത്തിലാകുകയും രക്ഷപ്പെടാന്‍ ശ്രമിക്കുകയും ചെയ്തതോടെയാണ് സംഭവം പുറത്തറിഞ്ഞത്.
