ആലപ്പുഴ : ജില്ലയുടെ അറുപതാമത് കളക്ടറായി ഷാജി വി. നായർ ഇന്ന് (തിങ്കളാഴ്ച) രാവിലെ ചുമതലയേറ്റു. കളക്ടറേറ്റിൽ നടന്ന ചടങ്ങിൽ ഔദ്യോഗികമായി ചുമതലകൾ ഏറ്റെടുത്തു.
കേരള കേഡറിലെ 2018 ബാച്ച് ഐ.എ.എസ്. ഉദ്യോഗസ്ഥനായ ഷാജി വി. നായർ കൊച്ചിൻ സ്മാർട്ട് മിഷൻ ലിമിറ്റഡിന്റെ ചീഫ് എക്സിക്യൂട്ടീവ് ഓഫീസറായി സേവനമനുഷ്ഠിച്ച് വരുകയായിരുന്നു. സംസ്ഥാന ജലഗതാഗത വകുപ്പ് ഡയറക്ടർ, കൊച്ചി മെട്രോപൊളിറ്റൻ ട്രാൻസ്പോർട്ട് അതോറിറ്റി സി ഇ ഒ തുടങ്ങിയ അധിക ചുമതലയും വഹിച്ചിരുന്നു.
ജലഗതാഗത വകുപ്പ് ഡയറക്ടറെന്ന നിലയിൽ പത്തു വർഷത്തിലധികം ആലപ്പുഴ കേന്ദ്രീകരിച്ച് പ്രവർത്തിച്ചുള്ള പരിചയസമ്പത്തുമായാണ് അദ്ദേഹം ജില്ലയുടെ അമരത്തേക്ക് എത്തുന്നത്.ചുമതലയേറ്റ ശേഷം കളക്ടറേറ്റിലെ വിവിധ വകുപ്പ് മേധാവികളുമായും ഉദ്യോഗസ്ഥരുമായും പ്രാഥമിക കൂടിക്കാഴ്ച നടത്തി.
മഴക്കാലത്ത് ജനങ്ങളുടെ സുരക്ഷ ഉറപ്പാക്കുക, പുതിയ അധ്യയന വർഷത്തിൽ വിദ്യാർഥികൾക്ക് സുരക്ഷിതമായ സ്കൂൾ അന്തരീക്ഷം ഒരുക്കുക എന്നിവയ്ക്കായിരിക്കും ആദ്യഘട്ടത്തിൽ പ്രഥമ പരിഗണന നൽകുകയെന്ന് അദ്ദേഹം വ്യക്തമാക്കി.
 രാവിലെ ചുമതലയേറ്റു. കളക്ടറേറ്റിൽ നടന്ന ചടങ്ങിൽ ഔദ്യോഗികമായി){kind=link}