റാന്നി : കോഴിക്കടയിൽ വിൽപ്പനയ്ക്ക് എത്തിച്ച ഇറച്ചിക്കോഴി കൗതുകമാവുന്നു. ബ്ലോക്ക് പടിയിലെ മാതാ ചിക്കൻ സെന്ററിൽ എത്തിച്ച ഇറച്ചിക്കോഴിയ്ക്ക് കാല് നാലെണ്ണം. നാലു കാലുള്ള കോഴിയെ കാണാൻ ചിക്കൻ കടയിൽ എത്തുന്നവരുടെ തിരക്കും വർധിച്ചു.
തിങ്കൾ രാവിലെ എരുമേലിയിൽ നിന്ന് എത്തിച്ച ലോഡിൽ നിന്നാണ് നാലുകാലുള്ള കോഴിയെ ലഭിച്ചത്. സാധാരണയുള്ള കാലുകൾക്ക് മുകളിലായി ഇരുവശത്തും രണ്ട് കാല് കൂടി പുറത്തേക്ക് വളർന്നിരിക്കുന്ന നിലയിലാണ് കോഴിയെ കിട്ടിയത്. തൽക്കാലം കോഴിയെ വിൽക്കുന്നില്ലെന്നും ഇതിന് മുൻപ് 3 കാലുള്ള കോഴിയെ ലഭിച്ചിരുന്നുവെന്നും ചിക്കൻ സെന്റർ ഉടമ സജി പറഞ്ഞു
