പത്തനംതിട്ട : നെടുമ്പാശേരി അത്താണിയിൽ വിമാനത്താവളത്തിലേക്കുള്ള റോഡിൽ ഇന്നലെ നടന്ന വാഹനാപകടത്തിൽ മരിച്ച പത്തനംതിട്ട സ്വദേശികളായ രണ്ട് യുവാക്കളുടെയും സംസ്കാരം ഇന്ന് നടക്കും. വെട്ടിപ്രം ശ്രീശൈലം വീട്ടിൽ കൃഷ്‌ണകുമാറിൻ്റെ മകൻ കപിൽ (24), മലയാലപ്പുഴ ആതിര സ്‌റ്റുഡിയോ ഉടമ പത്തനംതിട്ട കരിമ്പനാ കുഴി ആലും മുട്ടിൽ പ്രസാദിൻ്റെ മകൻ ആദിത്യൻ (24) എന്നിവരാണ് മരിച്ചത്.
ഇവർ സഞ്ചരിച്ച ബൈക്ക് നിയന്ത്രണം വിട്ട് ആദ്യം കാറിലും പിന്നീട് ലോറിയിലും ഇടിച്ചായിരുന്നു അപകടം നടന്നത്. കപിലിൻ്റെ സംസ്കാരം ഇന്ന് 3 മണിക്കും ആദിത്യൻ്റെ സംസ്കാരം ഇന്ന് 5 നും നടക്കും.
