കോന്നി : കൂടൽ സെൻ്റ് മേരീസ് മോഡൽ സ്കൂളിൻ്റെ പുതിയ കെട്ടിട സമുച്ചയം ആൻ്റോ ആൻ്റണി എംപി ഉദ്ഘാടനം ചെയ്തു.ജനസംഖ്യയുടെ 65 ശതമാനം വരുന്ന യുവതലമുറയ്ക്ക് നിലവാരമുള്ള വിദ്യാഭ്യാസം നൽകുന്നതിലൂടെ രാജ്യം ലോകം കീഴടക്കാനുള്ള ജൈത്രയാത്ര തുടങ്ങുമെന്ന് അദ്ദേഹം പറഞ്ഞു.
മലങ്കര ഓർത്തഡോക്സ് സഭ അടൂർ -കടമ്പനാട് ഭദ്രാസനാധിപൻ ഡോ സഖറിയാ മാർ അപ്രേം മെത്രാപ്പോലീത്ത അധ്യക്ഷത വഹിച്ചു. പുതിയ സയൻസ് ലാബിൻ്റെ ഉദ്ഘാടനം കെ.യു. ജനീഷ് കുമാർ എം എൽ എ നിർവഹിച്ചു. സ്കൂൾ ലൈബ്രറി കലഞ്ഞൂർ പഞ്ചായത്ത് പ്രസിഡന്റ് പുഷ്പവല്ലി ഉദ്ഘാടനം ചെയ്തു. ഫാ. ജോജി കെ. ജോയി, കെ.ജി. അലക്സാണ്ടർ, ഫാ. ജോണികുട്ടി, ഫാ. ബഞ്ചമിൻ ,ഫാ. ജെറിൻ ജോൺസൺ, ഡോ. പീറ്റർ മാത്യു എന്നിവർ പ്രസംഗിച്ചു.
