കോന്നി : സുഹൃത്തിനോട് വിഡിയോ എടുക്കാൻ പറഞ്ഞ ശേഷം ആറ്റിലേക്ക് ചാടിയ യുവാവ് അര കിലോ മീറ്റർ ഒഴുകി വള്ളിപ്പടർപ്പിൽ പിടിച്ചു കിടന്നു രക്ഷപെട്ടു. തണ്ണിത്തോട് എലിമുള്ളും പ്ലാക്കൽ മാങ്കീഴിൽ വീട്ടിൽ സുധി (19) ആണ് മുണ്ടോമുഴി പാലത്തിൽ നിന്ന് ഇന്ന് വൈകിട്ട് 3 ന് കല്ലാറിലേക്ക് ചാടിയത്.
വിവരമറിഞ്ഞ് ഫയർഫോഴ്സ് സ്കൂബാ ടീം എത്തി തിരച്ചിൽ നടത്തുന്നതിനിടെയാണ് ചാടിയ സ്ഥലത്ത് നിന്ന് അര കിലോമീറ്റർ അകലെ പേരുവാലിയിൽ വള്ളിപ്പടർപ്പിൽ പിടിച്ചു കിടക്കുന്നത് കണ്ടത്.
തുടർന്ന് ഫയർഫോഴ്സ് എത്തി രക്ഷപെടുത്തി കരയ്ക്ക് എത്തിച്ച ശേഷം കോന്നി താലൂക്ക് ആശുപത്രിയിലേക്ക് കൊണ്ടുപോയി. ഇയാൾ നദിയിലേക്ക് ചാടുമെന്ന് അറിയില്ലായിരുന്നുവെന്ന് സുഹൃത്ത് പറഞ്ഞു.
