പത്തനംതിട്ട : മൂന്നാം ബലാത്സംഗ കേസില് ജയിലില് കഴിയുന്ന രാഹുല് മാങ്കൂട്ടത്തില് എംഎല്എയുടെ ജാമ്യ അപേക്ഷയില് പത്തനംതിട്ട സെഷന്സ് കോടതി ഇന്ന് വിധി പറയും. കഴിഞ്ഞ ദിവസം ജാമ്യാപേക്ഷ പരിഗണിച്ചപ്പോള് ഡിജിറ്റല് തെളിവുകളുടെ ആധികാരികത സംബന്ധിച്ച് പ്രോസിക്യൂഷന് സംശയമുന്നയിച്ചിരുന്നു. ഇതോടെ ഹര്ജിയില് വിധി പറയുന്നതു മാറ്റിവെക്കുകയായിരുന്നു. രണ്ടാഴ്ചയില് അധികമായി ജയിലില് കഴിയുന്ന രാഹുലിന് ഇന്ന് ജില്ലാ കോടതിയിലും തിരിച്ചടി നേരിട്ടാല് പിന്നീട് അടുത്തഘട്ടത്തിലേക്ക് കടക്കേണ്ടി വരും.
രാഹുല് മാങ്കൂട്ടത്തിലിനെതിരെ ചുമത്തിയ ആദ്യ ബലാത്സംഗ കേസിലെ മുന്കൂര് ജാമ്യാപേക്ഷ ഹൈക്കോടതി ഇന്ന് വീണ്ടും പരിഗണിക്കും. ജസ്റ്റിസ് കൗസര് എടപ്പഗത്തിന്റെ ബെഞ്ചാണ് ഹര്ജിയില് ഇന്ന് വിശദമായ വാദം കേള്ക്കുക.
