മലപ്പുറം: എൻഎസ്എസ് വിഷയത്തിൽ ചർച്ച ആവശ്യമെങ്കിൽ ഇടപെടുമെന്ന് മുസ്ലിംലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങൾ പറഞ്ഞു.
തിരഞ്ഞെടുപ്പിനു മുന്നോടിയായുള്ള രാഷ്ട്രീയ നീക്കു പോക്കുകൾക്ക് ഇനിയും സമയമുണ്ട്. കേരളത്തിന് സമാധാനവും വികസനത്തിനുമായി എന്താണോ വേണ്ടത് അതിന് ലീഗ് പ്രതിജ്ഞാബദ്ധമായി ഇടപെടും. ചർച്ച ചെയ്യേണ്ടിടത്ത് ചർച്ചചെയ്യും. കൂടിയിരിക്കേണ്ടിടത്ത് കൂടിയിരിക്കും. യുഡിഎഫിനെ ശക്തിപ്പെടുത്താൻ എന്താണോ ആവശ്യം അതിന് ലീഗ് മുന്നിട്ടിറങ്ങുമെന്നും അദ്ദേഹം വ്യക്തമാക്കി.
