തിരുവല്ല : ലോകസമാധാനം കാലഘട്ടത്തിന്റെ ആവശ്യമാണെന്നും, മനുഷ്യൻ മനുഷ്യസ്നേഹത്തിലും സന്തോഷത്തിലും സമാധാനത്തിലും കഴിയണമെന്നും അഭിവന്ദ്യ മാത്യൂസ് മാർ സിൽവാനിയോസ് എപ്പിസ്കോപ്പ പറഞ്ഞു.കേരള കൗൺസിൽ ഓഫ് ചർച്ചസ് (കെ.സി.സി) കവിയൂർ സോണിന്റെ അഭിമുഖത്തിൽ, തോട്ടഭാഗം ബിലീവേഴ്സ് ഈസ്റ്റേൺ ചർച്ചിൽ സംഘടിപ്പിച്ച’ലോകസമാധാനവും ലഹരിക്കെതിരെയുള്ള വ്യാപനവും’ എന്ന വിഷയത്തിൽ നടന്ന ലോകസമാധാന സന്ദേശ സെമിനാറിൽ സംസാരിക്കുകയായിരുന്നു അദ്ദേഹം .
കെ.സി.സി കവിയൂർ സോൺ പ്രസിഡന്റ് റവ. വർഗീസ് ചെറിയാൻ അധ്യക്ഷത വഹിച്ചു.കെ.സി.സിയുടെ വൈസ് പ്രസിഡന്റായി തിരഞ്ഞെടുക്കപ്പെട്ട അഭിവന്ദ്യ മാത്യൂസ് മാർ സിൽവാനിയോസ് എപ്പിസ്കോപ്പ സെമിനാർ ഉദ്ഘാടനം ചെയ്തു.
കെ.സി.സി കേരള കൗൺസിൽ ഓഫ് ചർച്ചസ് സോഷ്യൽ കൺസേൺ കമ്മീഷൻ ചെയർമാൻ ശ്രീ. ജോജി പി. തോമസ് മുഖ്യപ്രഭാഷണം നടത്തി.റവ. ഷിജു മാത്യു, കവിയൂർ സോൺ സെക്രട്ടറി കുര്യൻ ചെറിയാൻ, തിരുവല്ല ട്രഷറർ ബെൻസി തോമസ്, കിഴക്കേതിൽ റോയി വർഗീസ് തുടങ്ങിയവർ പ്രസംഗിച്ചു.
ചടങ്ങിൽ, വൈസ് പ്രസിഡന്റായി തിരഞ്ഞെടുക്കപ്പെട്ട അഭിവന്ദ്യ മാത്യൂസ് മാർ സിൽവാനിയോസ് തിരുമേനിയെയും, കെ.സി.സി സോഷ്യൽ കൺസേൺ കമ്മീഷൻ ചെയർമാനായി തിരഞ്ഞെടുക്കപ്പെട്ട ജോജി പി. തോമസിനെയും കെ.സി.സി കവിയൂർ സോൺ ആദരിച്ചു.
