ആളിയാർ ഡാമിൽ കുളിക്കാനിറങ്ങിയ 3 വിദ്യാർഥികൾ മുങ്ങിമരിച്ചു

പാലക്കാട് : ആളിയാർ ഡാമിൽ കുളിക്കാനിറങ്ങിയ 3 വിദ്യാർഥികൾ മുങ്ങിമരിച്ചു. ചെന്നൈയിലെ സ്വകാര്യ എഞ്ചിനീയറിംഗ് കോളേജിലെ വിദ്യാർത്ഥികളായ ജോസഫ് ആന്റൺ ജെനിഫ് (21), രേവന്ത് (21), തരുൺ വിശ്വരംഗൻ (19) എന്നിവരാണ് മരിച്ചത്. വിനോദ യാത്രയ്ക്കായി കോളജിൽനിന്നുള്ള 22 പേർ അടങ്ങുന്ന സംഘം ഇന്നലെയാണു പുറപ്പെട്ടത്. ഇന്ന് രാവിലെയാണ് സംഘം ഡാമിലെത്തിയത്. കുളിക്കാൻ ഇറങ്ങിയപ്പോഴാണ് വിദ്യാർഥികൾ ഒഴുക്കിൽപ്പെട്ടത്. പൊലീസും അഗ്നിരക്ഷാ സേനയും എത്തിയാണ് മൃതദേഹങ്ങൾ പുറത്തെടുത്തത്.