അടൂർ: നാഷണൽ ആയുഷ് മിഷൻ കൺസ്ട്രക്ഷൻ വർക്കുകളുടെ ഭാഗമായി കടമ്പനാട് ഗ്രാമപഞ്ചായത്ത് ഓഫീസിനോട് ചേർന്ന് സിദ്ധ ഡിസ്പെൻസറിക്ക് പുതിയ കെട്ടിടം നിർമ്മിക്കുന്നതിനായി 30 ലക്ഷം രൂപ അനുവദിച്ചതായി ഡെപ്യൂട്ടി സ്പീക്കർ ചിറ്റയം ഗോപകുമാർ അറിയിച്ചു. കൺസൾട്ടിംഗ് റൂം, വെയിറ്റിംഗ്റൂം, ഫാർമസി, ഫാർമസി സ്റ്റോറും ടോയ്‌ലറ്റ് സൗകര്യങ്ങൾ എന്നിവ അടങ്ങുന്നതായിരിക്കും പുതിയ ബിൽഡിംഗ്.
സിദ്ധ ഡിസ്പെൻസറി നിലവിൽ വരുമ്പോൾ ഒരു ഡോക്ടറുടെയും, ഫാർമസിസ്റ്റിൻറെയും സേവനം എല്ലാദിവസവും ഉണ്ടായിരിക്കും. നിർമ്മാണ നിർവഹണത്തിന് ഏജൻസിയെ കണ്ടെത്തി പ്ലാനും, തയ്യാറാക്കി പ്രവർത്തികൾ ഉടൻ ആരംഭിക്കുന്നതിന് നടപടികൾ സ്വീകരിച്ചിട്ടുണ്ടെന്നും ഡെപ്യൂട്ടി സ്പീക്കർ പറഞ്ഞു.
