ഇടുക്കി : ഇടുക്കി മറയൂരിൽ സ്കൂളിൽ പോകാൻ വീടിനു സമീപം ഓട്ടോറിക്ഷ കാത്തുനിന്ന 8 വയസ്സുകാരനെ കാട്ടുപോത്ത് കൊമ്പിൽ തൂക്കിയെറിഞ്ഞു. മറയൂർ പള്ളനാട് സ്വദേശിയായ രഞ്ജിത്തിന്റെ മകൻ കാർത്തിക് പാണ്ഡിക്കാണ് കാട്ടുപോത്തിനറെ ആക്രമണത്തിൽ ഗുരുതര പരുക്കേറ്റത്. പള്ളനാട് എൽപി സ്കൂൾ മൂന്നാം ക്ലാസ് വിദ്യാർഥിയാണ്.
മറയൂർ–മൂന്നാർ സംസ്ഥാന പാതയിലെ പള്ളനാട് ഭാഗത്തെത്തി ഓട്ടോറിക്ഷ കാത്തുനിന്ന കാർത്തിക്കിനെ സമീപത്തെ ചന്ദന റിസർവ് വനത്തിൽ നിന്ന് ഓടിയെത്തിയ കാട്ടുപോത്ത് കൊമ്പിൽ തൂക്കി എറിയുകയായിരുന്നു. ഏകദേശം 20 മീറ്ററോളം അകലെ തെറിച്ചുവീണ കുട്ടിക്ക് തോളെല്ലിനും കൈയ്‌ക്കും ഗുരുതരമായി പരുക്കേറ്റു.
