ധാക്ക : ഇന്ത്യയിലേക്ക് തിരിച്ച 50-ലധികം ഇസ്കോൺ സന്യാസിമാരെ തടഞ്ഞ് ബംഗ്ലദേശ്.സാധുവായ യാത്രാ രേഖകൾ കൈവശമില്ലെന്ന് ആരോപിച്ചാണ് ബംഗ്ലാദേശ് അതിർത്തി അധികൃതർ അനുമതി നിഷേധിച്ചത്.സംഘത്തെ ഇന്ത്യയിലേക്ക് കടക്കാൻ അനുവദിക്കരുതെന്ന് ഉന്നത അധികാരികളിൽ നിന്ന് നിർദേശം ലഭിച്ചിട്ടുണ്ടെന്ന് ഇമിഗ്രേഷൻ ഉദ്യോഗസ്ഥർ ബംഗ്ലാദേശ് പത്രമായ ദ ഡെയ്ലി സ്റ്റാറിനോട് പറഞ്ഞു.
മുൻ ഇസ്കോൺ അംഗവുമായ ചിന്മോയ് കൃഷ്ണ ദാസിനെ രാജ്യദ്രോഹക്കുറ്റം ചുമത്തി അറസ്റ്റ് ചെയ്തതിന് പിന്നാലെ മറ്റ് രണ്ട് പുരോഹിതരെയും അറസ്റ്റ് ചെയ്തിരുന്നു.ഇന്ത്യയിൽ നടക്കുന്ന പ്രാർത്ഥന പ്രതിഷേധങ്ങളിൽ പങ്കെടുക്കാൻ തിരിച്ചവരെയാണ് ബംഗ്ലാദേശ് തടഞ്ഞത് .
