പാലിയേക്കരയില്‍ വന്‍ കഞ്ചാവ് വേട്ട : 120 കിലോ കഞ്ചാവ് പിടികൂടി

തൃശ്ശൂർ : തൃശ്ശൂര്‍ പാലിയേക്കരയിൽ വൻ കഞ്ചാവ് വേട്ട. 120 കിലോ കഞ്ചാവ് പിടികൂടി .ഒഡീഷയില്‍നിന്ന് ലോറിയില്‍ കടത്തിയ കഞ്ചാവാണ് പിടിച്ചത്. സംഭവത്തില്‍ നാല് യുവാക്കളെ പോലീസ് കസ്റ്റഡിയിലെടുത്തു. വെള്ളിയാഴ്ച പുലര്‍ച്ചെ തൃശ്ശൂര്‍ റൂറല്‍ പോലീസിന്റെ ഡാന്‍സാഫ് സംഘമാണ് കഞ്ചാവ് പിടിച്ചത്. സിജോ , ആഷ്‌വിൻ , ഹാരിസ് , ജാബിർ എന്നിവരാണ് അറസ്റ്റിലായത്. ഒഡീഷയില്‍നിന്ന് വന്‍തോതില്‍ കഞ്ചാവ് എത്തിച്ച് കേരളത്തിലെ ചെറുകിട കച്ചവടക്കാര്‍ക്ക് വില്‍പ്പന നടത്തുന്നവരാണ് ഇവരെന്ന് പോലീസ് പറഞ്ഞു.