വൈദ്യുതി ലൈനിൽ നിന്ന് ഷോക്കേറ്റു കാട്ടാന ചരിഞ്ഞ നിലയിൽ

വയനാട് : വയനാട്ടിൽ കാട്ടാനയെ ഷോക്കേറ്റു ചരിഞ്ഞ നിലയില്‍ കണ്ടെത്തി. വയനാട് പനമരം നീര്‍വാരം അമ്മാനിയിലാണ് കാട്ടാനയെ ചരിഞ്ഞ നിലയില്‍ കണ്ടെത്തിയത്. അമ്മാനി പറവയൽ ജയരാജിന്റെ കാപ്പിത്തോട്ടത്തിലാണ് കാട്ടാന ചരിഞ്ഞത്. തെങ്ങ് മറിച്ചിട്ടപ്പോൾ വൈദ്യുതി ലൈനിൽ തട്ടി ആനയ്ക്ക് ഷോക്കെറ്റെന്നാണ് നിഗമനം. കറന്‍റ്  പോയപ്പോൾ വീട്ടുകാർ സ്ഥലത്തെത്തി പരിശോധിച്ചപ്പോഴാണ് കാപ്പിത്തോട്ടത്തിൽ ആനയെ ചരിഞ്ഞ നിലയില്‍ കണ്ടെത്തിയത്.