ചെന്നൈ : തമിഴ്നാട് കരിയപട്ടിയില് കരിങ്കല് ക്വാറിയില് ഉണ്ടായ സ്ഫോടനത്തില് നാല് പേര് മരിച്ചു. നിരവധി പേര്ക്ക് പരിക്കേറ്റു .മരണസംഖ്യ ഇനിയും ഉയരാൻ സാധ്യതയുണ്ടെന്ന് അധികൃതർ അറിയിച്ചു. സ്ഫോടകവസ്തുക്കൾ സൂക്ഷിച്ചിരുന്ന സ്റ്റോറേജ് റൂമിലാണ് സ്ഫോടനമുണ്ടായതെന്നാണ് പ്രാഥമിക റിപ്പോർട്ട്.
സ്ഫോടനത്തില് രണ്ട് വാഹനങ്ങള് പൂര്ണമായി തകര്ന്നിട്ടുണ്ട്. 20 കിലോമീറ്റര് ദൂരെവരെ സ്ഫോടനത്തിന്റെ പ്രകമ്പനം അനുഭവപ്പെട്ടു.അവിയൂർ-കീഴുപ്പിള്ളി കുണ്ട് റോഡിന് സമീപമാണ് ക്വാറി സ്ഥിതി ചെയ്യുന്നത്.
